Wachimba migodi bado wagoma

Maelfu ya wachimba migodi wa Afrika Kusini wamekataa kurejea kazini, katika kampuni ya dhahabu nyeupe kubwa kabisa duniani iitwayo Anglo American, Amplats

Taarifa zinazohusiana

• Afrika Kusini,
• Uchumi

Wachimba migodi wanasema hawakubali pendekezo la kampuni hiyo kuhusu malipo.
Mwezi Oktoba Amplats iliwafukuza makazini wachimba migodi 12,000 kwa sababu walishiriki kwenye mgomo katika migodi ya Rustenberg.
Tangu wakati huo uchimbaji wa dhahabu nyeupe umeathirika sana.
Amplats ni kampuni kubwa ya mwisho ya Afrika Kusini ambayo bado inaathirika na migomo - migomo iliyokuwa na ghasia ambapo watu zaidi ya 50 wamekufa.
Wachimba migodi 34 walipigwa risasi na polisi katika mgodi wa kampuni ya Lonmin mwezi wa Agosti.